Badalte mausam ke saath har shey badalti hai,
Fool khilte hai patjhar aata hai ,
Log milte hai log bichad jaate hai,
Ye jindagi alag alag rang dikhati hai,
Waqt ke saath hum tham jaate hai,
Kahi ankahi shikaayte, kuch puri kuch adhoori umeedein
Is dil mein reh jaati hai,duniya chod chal padta hai insaan
Kai door apne naye anjaane safar par
Mann udaane bharta hai  nai dishaao ki aur
Apne hi dhun mein sawar wo tanha chalta jaata hai
Raaho mein kai anjaan milte hai, kuch thamte kuch bad chalte hai
Kai hume majbur karte hai apne laksh se dagmagane ke lie
dhakelna chahte hai hume andheri sumsaan raaho mein
par kyu  hum apni najro se khud ko giraaye ?
Kyu apne laksh se gumraah ho jaaye?
kyu dusro ki najro se khud ko tola jaaye?
kyu apnee pehchaan khoye ?
kyu dusro ki najro mein khud ko talaashe?
kyu ghut ghut kar jeeye hum ?
kyu kisi ke abhimaan ko khud par haavi hone de hum?
Aao geera de aisi har wo deewar ,
jo humaare jameer ko humari aatma ko baandhe
Aao khud ko khud ki aankho se pehchaane
sab raahe khud ba khud khul jaayengi
saari mushkile khud ba khud hal ho jaayengi
aise mein raahein khud manjil ho jaayegi
umeed ki isi dor se jeevan raah rangeeen ho jaayegi
badalte mausam ke saath har shey badalti hai......